ဆီးရီးယားတွင်မောင်းသူမဲ့ကင်းထောက်လေယာဉ်များစတင်ပျံသန်း

ရုရှားသည် ဆီးရီးယားတွင် မောင်းသူမဲ့ လေယာဉ်များဖြင့် ကင်းထောက် ပျံသန်းမှုများ စတင်နေပြီဟု အမေရိကန် အာဏာပိုင်များက ပြောကြားခဲ့သည်။


စက်တင်ဘာ ၂၀ တွင်စတင်ကာ ရုရှား၏ ပထမဆုံး ကင်းထောက်ပျံသန်းမှုများ ဆီးရီးယား ကောင်းကင်ယံတွင် အစပြုနေပြီဟု ယုံကြည်ရကြောင်း အမေရိကန် စစ်ဘက်က ဆိုသည်။ ဆီးရီးယား သမ္မတ ဘာရှာ အယ်လ် အာဆက်ဒ်နှင့် စစ်ရေးပူးပေါင်းမှု အရှိန်အဟုန်ကို မြှင့်တင်လာသည့် ရုရှားသည် ယခုအခါ ဆီးရီးယား ပြည်တွင်းစစ်တွင် ထဲထဲဝင်ဝင် ပါဝင်လာပြီ ဖြစ်သည်။

အမေရိကန်သည်လည်း ပူးပေါင်း မဟာမိတ် လေတပ်များနှင့်အတူ ဆီးရီးယားရှိ အစ္စလာမ်မစ် နိုင်ငံတော် (အိုင်အက်စ်) စစ်သွေးကြွများကို ဗုံးကြဲ ချေမှုန်းလျက်ရှိရာ ရုရှား၏ စွက်ဖက်လာမှုကြောင့် အရှုပ်အထွေးများ ဖြစ်ပေါ်လာမည်ကို စိုးရိမ်နေသည်။

စစ်အေးခေတ် ပြိုင်ဘက်ကြီးများ ဖြစ်ခဲ့သော ရုရှားနှင့် အမေရိကန်တို့သည် အိုင်အက်စ် စစ်သွေးကြွများကို ဆီးရီးယားတွင် ချေမှုန်းနှိမ်နင်းရာ၌ တူညီသော ရည်မှန်းချက် ရှိသော်လည်း မဟာဗျူဟာအရ ရှုပ်ထွေးမှုများ ဖြစ်လာမည်ကို စိုးရိမ်ကြောင်း အမေရိကန် နိုင်ငံခြားရေး ဝန်ကြီး ဂျွန်ကယ်ရီက ရုရှား နိုင်ငံခြားရေးဝန်ကြီး ဆာဂျီလက်ဗ်ရော့ဗ်ကို ဖုန်းဖြင့် ဆက်သွယ် ပြောကြားခဲ့သည်။

ယခုအခါ ရုရှား၏ မောင်းသူမဲ့ လေယာဉ်များသည် ဆီးရီးယား ဝေဟင်တွင် စတင်ကင်းထောက် ပျံသန်းနေပြီဖြစ်ပြီး နောက်ဆက်တွဲအဖြစ် လေကြောင်းထိုးစစ် ဆင်နွှဲမှုများပါ ပါဝင်လာဖွယ် ရှိသည်။ အမေရိကန်၏ ပင်တဂွန် စစ်ဌာနချုပ်ကမူ ရုရှား မောင်းသူမဲ့ လေယာဉ်များ ပျံသန်းမှုနှင့် ပတ်သက်၍ အသေးစိတ် အချက်အလက်များကို ပြောဆိုရန် ငြင်းဆန်ခဲ့ပြီး ထောက်လှမ်းရေး သတင်းများကို ဆွေးနွေးလိုခြင်း မရှိဟု တုံ့ပြန်ခဲ့သည်။

ရုရှားဝန်ကြီးချုပ် ဗလာဒီမာ ပူတင်က မိမိတို့သည် အာဆက်ဒ်၏ အစိုးရအဖွဲ့ကို အပြည့်အဝ ထောက်ခံကူညီမည်ဟု ကြေညာထားပြီး မိမိတို့၏ လက်နက်တင်ပို့ ပံ့ပိုးမှုများသည် နိုင်ငံတကာ ဥပဒေများနှင့် လျော်ကန် ကိုက်ညီကြောင်း ပြောကြားထားသည်။

_Ref: Reuters